ប្រទេស ដែលចូលចិត្តការជិះកង់បំផុតមួយនៅក្នុងពិភពលោក

លោកអ្នកអាចហៅប្រទេសដែនម៉ាកថា ជាប្រទេស ដែលចូលចិត្តការជិះកង់បំផុតមួយនៅក្នុងពិភពលោក។ សូម បញ្ជាក់ថា ដាណឺម៉ាកត្រូវបានគេចាត់ទុកថាជាប្រទេសមួយក្នុងចំណោមបណ្តាប្រទេសដែលមានសេដ្ឋកិច្ច និង សង្គមរីកចម្រើនបំផុតនៅក្នុងពិភពលោក។ ប្រទេសដាណឺម៉ាក មានកម្រិតជីវភាពរស់នៅខ្ពស់ ហើយប្រទេស នេះស្ថិតក្នុងលំដាប់នៃប្រជាជាតិមានជីវិល្អប្រសើរ ដែលក្នុងនោះរួមមានសន្ទស្សន៍អប់រំ ការថែទាំសុខភាព ការការពារសេរីភាព សន្ទស្សន៍លទ្ធិប្រជាធិបតេយ្យ សន្ទស្សន៍វិបុលភាព និងសន្ទស្សន៍អភិវឌ្ឍន៍មនុស្ស។ ប្រទេសនេះមានផ្ទៃដីសរុប 43,000 គីឡូម៉ែត្រការ៉េ ហើយមានប្រជាជនជាង 5 លាននាក់ កំពុងរស់នៅ ក្នុងប្រទេសតូចមួយបែប Nordic នេះ កង់គឺជាមធ្យោបាយធ្វើដំណើរដ៏ពេញនិយមបំផុត។ យោងតាមស្ថិតិ Cycling Solutions បានបង្ហាញថា នៅក្នុងប្រទេសដាណឺម៉ាក មានកង់ប្រមាណជាង 4.2 លានគ្រឿង។ រដ្ឋាភិបាលដាណឺម៉ាកបានណែនាំ និងលើកទឹកចិត្តប្រជាជនឱ្យធ្វើដំណើរដោយកង់ ដើម្បីជាការរួមចំណែក ក្នុងការការពារបរិស្ថាន។ មិនតែប៉ុណ្នោះទេ ការជិះកង់អាចសន្សំសំចៃថាមពល ប្រេងសាំង និងអាចធ្វើឲ្យអ្នក ជិះកង់មានសម្រាប់សុខភាពល្អទៀតផង។ បើសិនជាលោកអ្នក​ក្រឡេក​មើលតាមផ្លូវវិញ ប្រជាជនស្ទើរតែគ្រប់គ្នា ​ពាក់​មួក​សុវត្ថិភាពក្នុងការជិះកង់។ នៅ​ប្រទេស​ដាណឺម៉ាក មានគន្លង​ផ្លូវ​ពណ៌​ខៀវ​សម្រាប់អ្នកជិះ​កង់ ដែលជាគន្លងអាទិភាព ដែលត្រូវបានរចនាឡើងជាពិសេសសម្រាប់អ្នកជិះកង់ផងដែរ។ គំនិតផ្តួចផ្តើមក្នុងការ សាងសង់ហេដ្ឋារចនាសម្ព័ន្ធផ្លូវថ្នល់នេះមិនត្រឹមតែផ្តល់អត្ថប្រយោជន៍ដល់អ្នកជិះកង់ប៉ុណ្ណោះទេ ប៉ុន្តែថែមទាំង រួមចំណែកដល់បរិស្ថានទីក្រុង បរិស្ថានស្អាត បៃតង និងមាននិរន្តរភាពថែមទៀត។

នេះបានបង្ហាញពីការប្តេជ្ញាចិត្តរបស់ដាណឺម៉ាកក្នុងការធ្វើឱ្យការជិះកង់ក្លា យជាមធ្យោបាយដឹកជញ្ជូនដ៏សំខាន់ មានសុវត្ថិភាព ប្រសិទ្ធភាព និងរីករាយ ព្រមទាំងមានភាពងាយស្រួលតាមរយៈហេដ្ឋារចនាសម្ព័ន្ធដែលបាន គ្រោងទុកយ៉ាងល្អ។