ទាំងនេះ គឺជាមនុស្សដែលមានសក់វែងជាងគេនៅលើពិភពលោក ហើយស្ត្រីនៅទីនេះអាចកាត់សក់បានតែម្តងគត់ក្នុងមួយជីវិតរបស់ពួកគេ។ ពួកគេភាគច្រើនអាចមានសក់ប្រវែងពីរម៉ែត្រ ឬអាចវែងរហូតដល់ 3 ម៉ែត្រក៏មាន។ មនុស្សទាំងនេះ គឺជាជនជាតិហ្មុង ឬ ម៉ុង ។ ម៉ុង គឺជាក្រុមជនជាតិភាគតិចនៃជនជាតិមៀវ ដែលជាជនជាតិដើមភាគតិចនៅ ភាគកណ្តាលប្រទេសចិន ដែលសព្វថ្ងៃនេះភាគច្រើនរស់នៅ ភាគនិរតីនៃប្រទេសចិនដូចជា គុយចូវ, យូណាន, ស៊ីឈួន, ឆុងឈីង, និង ក្វាងស៊ី ), វៀតណាម, ឡាវ, ថៃ និង សហរដ្ឋអាមេរិក ។ ពួកគេអាចកក់សក់បានតែក្នុងទន្លេតែប៉ុណ្ណោះ ក្រៅពីទន្លេ ពួកគេមិនអាចកក់សក់បានទេ។ នៅទីនេះមិនមែនតែក្មេងស្រីទេ ដែលមានសក់ខ្មៅវែង សូម្បីលោកយាយៗដែលមានវ័យពី ៧០ ទៅ ៨០ ក៏មានសក់វែងដូចគ្នាដែរ។ អាថ៌កំបាំងនៃដ៏សក់វែងអន្លាយរបស់ពួកគេ នោះមិនមែនមកពីពួកគេចាត់ទុកថា សក់ជារឿងសំខាន់បំផុតក្នុងជីវិតរបស់ពួកគេឡើយ។ អាថ៌កំបាំងពិតប្រាកដនោះ គឺពួកគេអាចទុកលក់បានវែង ខ្មៅរលោងល្អបាន គឺគ្មានកាប្រើប្រាស់សាប៊ូគីមីទេ។ ពួកគេកក់សក់ដោយប្រើតែទឹកអង្ករដែលផលិតនៅក្នុងភូមិរបស់ខ្លួនប៉ុណ្នោះ។ រូបមន្តនេះត្រូវបានប្រើប្រាស់បន្តពីមួយជំនាន់ទៅមួយជំនាន់ ដែលនេះបានបង្ហាញឲ្យឃើញថា ទឹកអង្ករអាចរក្សាស្បែកក្បាល និងធ្វើឲ្យសក់ដុះលូតលាស់បានល្អ។ ជាធម្មតា ប្រជាជននៅទីនេះតែងតែបួងសក់ ជំនួសឲ្យការចងឬទម្លាក់សក់ដូចជាជនជាតិដទៃ។ ពួកគេជឿថា សក់កាន់តែវែង នោះពួកគេនឹងមានអាយុវែង ហើយជីវិតកាន់តែសម្បូរបែប។
តាមប្រពៃណីរបស់ពួកគេ ពួកគេមិនអាចឱ្យអ្នកណាម្នាក់មើលឃើញសក់របស់ពួកគេបានឡើយ ដោយពួកគេតែងតែបួងសក់និងឃ្លុំនៅក្នុងក្រណាត់ពណ៌ខ្មៅ។ មានតែក្នុងរាត្រីនៃមង្គលការរបស់ពួកគេប៉ុណ្ណោះ ដែលកូនកំលោះអាចស្រាយសក់ឲ្យអ្នកដទៃបានឃើញ។
Comments
Post a Comment