សត្វដែលមានកម្ពស់ខ្ពស់ជាងគេនៅក្នុងពិភពលោក

នេះគឺជាសត្វដែលមានកម្ពស់ខ្ពស់ជាងគេនៅក្នុងពិភពលោក ។ Girrafe គឺជាថនិកសត្វមួយប្រភេទ ដែលមានរូបរាងស្រដៀងសត្វអូដ្ឋ តែគ្មានបូក ហើយមានកវែង មានស្នែងពីរ ចុងស្នែងមានប៉ោយពណ៌ខ្មៅ មានរោមសំបុរពណ៌ត្នោត រាងក្រលាបែកខ្នែងសៗ និងមានសក់ខ្មៅដុះជាជួរខ្លីជាងសក់សេះ ។

សត្វ Girrafe ដែលធំពេញវ័យមានកម្ពស់ពី 4.3–5.7 ម៉ែត្រ ដែលសត្វឈ្មោលមានកម្ពស់ខ្ពស់ជាងសត្វញី។ សត្វ Girrafe ឈ្មោល ពេញវ័យមានទម្ងន់ជាមធ្យម 1,192 គីឡូក្រាម សត្វ Girrafe ញីពេញវ័យវិញមានទម្ងន់ជាមធ្យម 828 គីឡូក្រាម។ ទោះបីជាក និងជើងវែងក៏ដោយ តែរាងកាយរបស់វាខ្លីណាស់។ ករបស់វា​អាចមានប្រវែងរហូតដល់ ១.៨ ទៅ​២.៤ម ហើយស្បែករបស់វាវិញភាគច្រើនមានពណ៌ប្រផេះ និងមានកម្រាស់ក្រាស់ 20 mm ។ កន្ទុយរបស់វាអាចមានប្រវែងពី 80 ទៅ 100 សង់ទីម៉ែត្រ ។

ថ្វីត្បិតតែសត្វ Girrafe មានកំពស់ខ្ពស់ តែពួកវាមានការលំបាកនិងគ្រោះថ្នាក់ណាស់ នៅពេលដែលពួកវាផឹកទឹក ដោយសារពេលផឹកទឹកម្ដងៗ សត្វ Girrafe ត្រូវកន្ធែកជើងទាំងសងខាង រួចបន្ទាបក្បាលរបស់វា ដែលមើលទៅដូចជាត្រដាបត្រដួសខុសពីសត្វដទៃឯទៀត។ មួយវិញទៀត ​នៅរាល់ពេលងើបពីផឹកទឹក វាមិនងាយក្រោកឈរបានដោយភ្លាមៗក្នុងកាយវិការរហ័សរហួននោះឡើយ។ ហេតុការណ៍នេះហើយអាចបង្កជាគ្រោះថ្នាក់ ប្រសិនបើមានសត្វសាហាវបម្រុងចង់វាយប្រហារពួកវា។ យ៉ាងណាមិញ សត្វ Girrafe អាចចាត់ទុកជាសំណាងល្អមួយដែរ ព្រោះសត្វ Girrafe មិនផឹកជារៀងរាល់ថ្ងៃទេ ដោយសារ៣ ទៅ ៤ថ្ងៃទើបវាផឹកទឹកម្ដង ឬអាចរស់នៅបានពី៣ ទៅ៤ សប្ដាហ៍បានដោយមិនបាច់ផឹកទឹក។ ជាទូទៅ Girrafe រស់នៅលើវាលស្មៅនៃទ្វីបអាភ្វ្រិក ហើយពួកសត្វទាំងនេះស៊ីស្លឹក ផ្លែឈើ និងផ្កានៃរុក្ខជាតិឈើជាអាហារ។ដែលសុទ្ធតែជារុក្ខជាតិដែលជារុក្ខជាតិសម្បូរជាតិទឹករួចស្រាប់ទៅហើយ៕

សត្វ Girrafe ញី ដែលមានសុខភាពល្អ វាពពោះរយៈពេល ប្រហែល 15 ខែ ហើយជាធម្មតាវាកើតកូនម្តងតែមួយគត់ បើនិយាយពីកូនភ្លោះវិញ ជាករណីកម្របំផុត។ សត្វ Girrafe ញីឈ្មោលវិញ អាចមានសមត្ថភាពបន្តពូជបានតែ​ប្រាំមួយ​ឆ្នាំ ខណៈសត្វ Girrafe ញី ​អាច​បន្ត​ពូជ​បាន​ពេញ​មួយ​ជីវិត។ សត្វផ្តល់កំណើតដោយឈរ ហើយកូនដែលត្រូវកើតនឹងធ្លាក់ចុះជាង ១.៥ម ទៅដី។ កូនរបស់វាកើតបានត្រឹមតែជាង ១០ម៉ោង វាអាចងើបឈរបាន ហើយក្រោយពីងើបឈរបានប្រហែលជា កន្លះម៉ោង វាអាចរត់ជាមួយមេរបស់វាបាន ដែលគិតទៅស្ទើមិនគួរឱ្យជឿ។