នេះជារឿងដ៏គួរឲ្យតក់ស្លុតមែនទែន ចិនបានសាងសង់ស្ពានយោលមួយនៅលើមេឃ។ នោះគឺជាស្ពានយោលដ៏រឹងមាំបំផុតរបស់ពិភពលោក គឺស្ពាន Aizai ក្នុងខេត្ត Hunan ប្រទេសចិន។
ស្ពានទាំងមូលមិនមានសសរ ឬទំរទេរ ហើយត្រូវបានសាងសង់នៅលើជ្រលងភ្នំដែលមានកម្ពស់រហូតដល់ 1,200 ហ្វីតពីលើដី។ បើមើលពីចម្ងាយ ស្ពានហាក់ដូចជាលាក់ខ្លួននៅក្នុងពពក។ បើយើងបើករថយន្តនៅលើស្ពាននេះមើលទៅហាក់ដូចជាយើងកំពុងបើករថយន្តនៅលើមេឃអញ្ចឹង។
ស្ពាននេះបានយកជ័យជំនះលើ សំណង់កញ្ចក់ទាំង៥ របស់ពិភពលោក ដែលពិភពលោកគិតថា ជាសំណង់ដែលពិបាកសាងសង់បំផុត។ ការសាងសង់ស្ពាននេះពិបាកសាងសង់ណាស់ ព្រោះសណ្ឋានដី និងបរិស្ថាននៅទីនោះ មានលក្ខណៈគ្រោះថ្នាក់ និងហានិភ័យខ្ពស់ ហើយពិភពលោកទាំងមូលមិនទាន់មានការសាងសង់ស្ពានបែបនេះនៅឡើយទេ ។ សូម្បីអ្នកជំនាញខាងសាងសង់ស្ពានអាមេរិកក៏បាននិយាយថា ការសាងសង់ស្ពាននេះជាកិច្ចការដែលមិនអាចទៅរួចដែរ ប៉ុន្តែចិនបានសាងសង់ស្ពាននេះក្នុងរយៈពេលត្រឹមតែរយៈ ៣ឆ្នាំប៉ុណ្នោះ ហើយអ្វីដែលកាន់តែអស្ចារ្យជាងនេះទៅទៀតនោះ គឺស្ពាននេះក៏មានកន្លែងលោតទឹកលេងផងដែរ។ ទេសចរណ៍អាចរីករាយនឹងទិដ្ឋភាពដ៏អស្ចារ្យ នៅពេលដែលគេបានឃើញមនុស្សលោតទឹកលេង ពីទីខ្ពស់បែបនេះ ដែលរឿងនេះបានធ្វើឲ្យអ្នកជំនាញស្ពានបរទេសមានការភ្ញាក់ផ្អើលយ៉ាងខ្លាំង។
ជួនកាលមនុស្សយើងមិនអាចយល់បានទេពី ថាមពល និងប្រាជ្ញាគ្មានដែនកំណត់នៃហេដ្ឋារចនាសម្ព័ន្ធរបស់ប្រទេសចិន។
Comments
Post a Comment