ពីមុនឥណ្ឌា គឺជាប្រទេស ដែលមានប្រជាជនច្រើនជាងគេទី ២ ក្នុងលោក បន្ទាប់ពីប្រទេស ចិន ។ ដែលមានប្រជាជន ប្រមាណជា 1.43 billion នាក់។ នៅក្នុងឆ្នាំ ២០២៤នេះ ប្រជាជននៅក្នុងប្រទេសឥណ្ឌាបានកើនឡើងរហូតដល់ប្រមាណជា 1.441 billion នាក់ វ៉ាដាច់ប្រទេសចិន ហើយក្លាយជាប្រទេសដែលមានប្រជាជនច្រើនជាងគេលើពិភពលោកលំដាប់ថ្នាក់ទី១ ហើយចំនួននេះបាននឹងកំពុងកើនឡើងជាបន្តបន្ទាប់។
ថ្វីត្បិតតែឥណ្ឌាជាប្រទេសធំជាងគេទីប្រាំពីរក្នុងពិភពលោកក៏ដោយ ប៉ុន្តែឥណ្ឌាជាប្រទេសមួយដែលនៅប្រឈមខ្លាំងនឹងបញ្ហាគម្លាតសង្គមរវាងអ្នកមាននិងអ្នកក្រ ហើយក៏ជាប្រទេសមួយដែលនៅមានតំបន់អនាធិបតេយ្យមួយចំនួនធំ ដូចជា ទីក្រុង New Delhi ដែលមានមនុស្សជាងមួយលាននាក់បាននឹងកំពុងរស់នៅ។ កំណើនខ្លាំងខាងប្រជាសាស្ត្រ បានធ្វើឲ្យប្រទេសឥណ្ឌា ប្រឈមមុខនឹងវិបត្តិសង្គមជាច្រើន ដែលរួមមានទាំងការសិក្សា រចនាសម្ព័ន្ធ ទឹក ភ្លើង... ពិសេសទៅទៀត គឺ វិសមភាពអ្នកមានអ្នកក្រ, កង្វះលំនៅដ្ឋានសមរម្យនៅក្នុងទីក្រុង,បញ្ហាកង្វះការងារ ជាដើម។ ហេតុអ្វីបានជាឥណ្ឌាមានកុមារច្រើនខ្លាំងម្ល៉េះ? មូលហេតុចម្បងនៃកំណើនប្រជាជននៅក្នុងប្រទេសឥណ្ឌា គឺដោយសារវប្បធម៌ ប្រពៃណី។ មនុស្សជាច្រើនចាត់ទុកថា ការមានកូន ជាទំនួលខុសត្រូវខាងសាសនា ហើយការបង្កើតកូនប្រុសជាបេសកកម្មដ៏ពិសិដ្ឋ។ សង្គមឥណ្ឌាមានគោលគំនិតមួយគឺឲ្យតម្លៃបុរសជាងស្ត្រី ហើយបុរសត្រូវបានចាត់ទុកថាជាកម្លាំងពលកម្មដ៏ល្អបំផុត។ ដូច្នេះស្ត្រី ដែលរៀបការហើយគ្មានកូនប្រុស នឹងត្រូវបានគេមើលងាយ។ ដោយសារលក្ខខណ្ឌប្រជាសាស្រ្តរបស់ឥណ្ឌា ត្រូវការកំលាំងពលកម្មយ៉ាងច្រើនសម្បើមដើម្បីជំរុញកំណើនសេដ្ឋកិច្ចប្រទេស រដ្ឋាភិបាលត្រឹមត្រូវ ដូចជាការវិនិយោគលើធនធានមនុស្សជាដើម។ រដ្ឋាភិបាលមិនអាចជំរុញការអភិវឌ្ឍន៍សេដ្ឋកិច្ចបានទេ ហើយរដ្ឋាភិបាលក៏មិនអាចអនុវត្តផែនការគ្រួសារបានដែរ។
Comments
Post a Comment