វាលខ្សាច់អាតាកាម៉ា (Atacama) ជាតំបន់ស្ងួតហួតហែងដ៏ធំដែលមានទីតាំងនៅភាគខាងជើងនៃប្រទេសឈីលី នៅអ្វីបអាមេរិកខាងត្បូង។ វាលខ្សាច់មួយនេះលាតសន្ធឹងប្រហែល 105,000 គីឡូម៉ែត្រ នៅតាមបណ្ដោយឆ្នេរប៉ាស៊ីហ្វិក លាតសន្ធឹងពីភាគខាងត្បូងប្រទេសប៉េរូ ទៅភាគខាងជើងប្រទេសឈីលី។ អាតាកាម៉ា ល្បីថាជាវាលខ្សាច់ដ៏ស្ងួតបំផុតនៅលើពិភពលោក ដែលមានទឹកភ្លៀងទាបបំផុត។ Atacama ត្រូវបានគេចាត់ទុកថាជាវាលខ្សាច់និងតំបន់ស្ងួតបំផុតនៃពិភពលោក នៅពេលវាស់តាមបរិមាណទឹកភ្លៀងជាមួយនឹងទឹកភ្លៀងជាមធ្យមតិចជាង ១ មិល្លីម៉ែត្រក្នុងមួយឆ្នាំ ឬតំបន់ខ្លះនៃវាលខ្សាច់ មិនមានភ្លៀងធ្លាក់រហូតអស់រយៈពេល ៤០០ ឆ្នាំក៏មាន។ វាលខ្សាច់នេះមានភូមិសាស្ត្រពិសេសដោយសារសណ្ឋានដីខ្ពស់ៗ ភ្នំរដិបរដុបជាច្រើនដូចជា Valle de la Luna (Valley of the Moon) និង Salar de Atacama ដែលជាបឹងអំបិលដ៏ធំបំផុតមួយរបស់ពិភពលោក។
ទោះបីជាមានលក្ខខណ្ឌមិនអំណោយផលក៏ដោយ ប៉ុន្តែវាលខ្សាច់ Atacama គឺពោរពេញទៅដោយជីវិតមានទាំងរុក្ខជាតិ និងសត្វជាច្រើនប្រភេទ ដែលសម្របខ្លួនទៅនឹងតំបន់នេះ។ ក្នុងនោះរួមបញ្ចូលទាំងរុក្ខជាតិដំបងយក្យ cacti ប្រទាល succulents និងថនិកសត្វតូចៗសត្វល្មូន និងប្រភេទសត្វស្លាបផ្សេងៗ។ វាលខ្សាច់នេះមានធនធានរ៉ែដ៏សម្បូរបែប ជាពិសេសរ៉ែទង់ដែង និងរ៉ែលីចូម ដែលទាក់ទាញក្រុមហ៊ុនពិភពលោកឱ្យចូលមករុករករ៉ែនៅវាលខ្សាច់នេះ។
បរិយាកាសពិសេសរបស់វាលខ្សាច់នេះស្រដៀងទៅនឹងភពអង្គារ ដែលបានក្លាយជាកន្លែងដ៏ល្អសម្រាប់ទីភ្នាក់ងារអវកាស ដូចជា NASA ដើម្បីសិក្សាពីភពអង្គារ ហើយជារឿយៗពួកគេមកធ្វើការពិសោធន៍នៅទីនេះ។
Comments
Post a Comment