នេះ គឺជាអគារ apartment ដ៏ធំបំផុតនៅក្នុងប្រទេសចិន ដែលមានដង់ស៊ីតេប្រជាជនរស់នៅច្រើនជាប់ចំណាត់ ថ្នាក់ជាអគារដែលមានមនុស្សរស់នៅច្រើនលំដាប់ទីបីក្នុងពិភពលោក។ អគារទាំងមូលគ្របដណ្តប់លើផ្ទៃដី 70 ហិចតា ហើយអគារនេះមាន 29 ជាន់។
អគារនេះមានបន្ទប់ដែលអាចស្នាក់នៅបានរហូតដល់ចំនួន 12,000បន្ទប់ ឯចំនួនបន្ទប់សរុបទាំងអស់គឺប្រហែល 14,000 ។ ចំនួនអ្នកស្នាក់នៅលើអគារនេះអាចលើសពី 20,000 នាក់ ហើយអាចលើសដល់ 30,000 នាក់បើសិនជាមានមនុស្សនៅពេញបន្ទប់ទាំងអស់។
អគារមួយដែលបន្ទប់ដ៏ច្រើនបែបនេះធ្វើឱ្សអ្នករស់នៅមានអារម្មណ៍ថាជីវភាពរស់នៅមានភាពអ៑ូអរ ដែលសឹងតែមានភាពអ៑ូអរជាងទីក្រុងហុងកុងទៅទៀត ដែលទិដ្ឋភាពនេះបានបធ្វើឲ្យការរស់នៅមានអាប់អ៊ួរជាខ្លាំង។
បើតាមដឹង អគារនេះជាកម្មសិទ្ធិរបស់បុគ្គលឯកជនម្នាក់ ឯតម្លៃជួលសម្រាប់ប្រជាជនក្នុងស្រុក មានតម្លៃប្រហែល ៣៥០ ដុល្លារក្នុងមួយខែក្នុងមួយបន្ទប់។ ដូច្នេះគ្រាន់តែថ្លៃជួលសរុបក្នុងមួយខែគិតត្រឹមតែ 12,000 បន្ទប់ គឺមានចំនួនច្រើនគ្រប់គ្រាន់សម្រាប់ប្រជាជនសាមញ្ញអាចចាយមួយជីវិតទៅហើយ។
តែទោះជាយ៉ាងណាក៏ដោយ ការរស់នៅក្នុងអាផាតមិននេះមិនមែនជារឿងស្រណុកសុខស្រួលទេ ព្រោះបន្ទប់និមួយៗពិតជាតូចចង្អៀតខ្លាំងណាស់ ។ បើសិនជាមានគេលុយឲ្យអ្នក១០ម៉ឺនដុល្លារ ហើយឲ្យអ្នក រស់នៅទីនេះ តើលោកអ្នកយល់ព្រមទេ?
Comments
Post a Comment