នេះជាប្រទេសមួយក្នុងពិភពលោកដែលគ្មានច្បាប់ចរាចរណ៍។ លោកអ្នកមិនអាចរកឡានក្រុងណាមួយ ដែលមានសភាពល្អស្អាតបានទេ នៅក្នុងប្រទេសនេះ ។ ប្រទេស ដែលយើងកំពុងនិយាយនេះ គឺប្រទេសបង់ក្លាដែស។
មូលហេតុចម្បង គឺដោយសារផ្លូវមានសភាពតូចចង្អៀត ដូច្នេះឡានក្រុងតែងតែបុកប៉ះគ្នា ជារឿយៗ ហើយមួយផ្នែកទៀត គឺអ្នកបើកបរមិនគោរពច្បាប់ចរាចរណ៍ ព្រោះរថយន្តក្រុងភាគច្រើនជាកម្មសិទ្ធិឯកជន។ ដូច្នេះការបើកបរកាន់តែលឿន ធ្វើឲ្យគេអាចមានអ្នកដំណើរកាន់តែច្រើនដែរ។ ដូច្នេះការបើកបរប្រជែងគ្នាជាមួយអ្នកបើកបរផ្សេងទៀត វាជាមូលហេតុដែលងាយនឹងបង្កឱ្យមានការប៉ះទង្គិចគ្នារវាងឡានក្រុងផ្សេងទៀត។ ឡានក្រុងនិមួយៗ តែងតែបើកទ្វារជាប់ជានិច្ច ទោះជាឡានក្រុងនោះកំពុងបើកបរទៅមុខក៏ដោយ ហើយក៏មិនមានការផាកពិន័យចំពោះការបំពានច្បាប់នោះដែរ។ ការដាក់ទណ្ឌកម្មតែមួយគត់គឺការវាយដោយដំបងឈើ។ នៅពេលស្ទះចរាចរណ៍ម្តងៗ អាជ្ញាធរកាន់ដំបងមកសម្រួលចរាចរណ៍ដោយគេបានយកឈើនោះទៅវាយឡានក្រុងដែលនៅមុខគេ ដើម្បីជាការដាស់តឿនឲ្យអ្នកបើកបរឡានក្រុងនោះឱ្យបើកចេញអោយលឿន។ ទោះជាមានស្ថានភាពបែបនេះក្ដី អ្នកបើកបរគ្រប់រូបមិនមានការប្រឆាំងតបតទេ ព្រោះគេសាំនឹងស្ថានភាពបែបនេះហើយ។ តម្លៃនៃការជួសជុលឡានក្រុង គឺមានតម្លៃខ្ពស់រួចទៅហើយ ដូច្នេះអជ្ញាធរមិនខ្វាយខ្វល់ចំពោះការពិន័យនោះទេ ។ រថយន្តក្រុងនិមួយៗ នៅប្រទេសបង់ក្លាដែស គឺមិនសំខាន់លើរូបរាងទេ ដរាបណាឡាននោះនៅតែអាចបើកទៅមុខ និងអាចរកកម្រៃបាន។
Comments
Post a Comment